客家話就係嗯兜客家人个母語

紅泥台地上
相思樹花金黃黃
迎來綠綠个夏天    楊長鎮 作


過晝楊長鎮來聊，大選後大家初次見面，大家還係憂國憂民 (客家人个臺灣路)，大家不失知識份子介本色，話題切實又生趣，坐聊講冇停。 講著三行詩，長鎮即席作一首，路過紅泥台地介感想 (如上)。佢乜有意推廣三行詩，啀建議，客家委員會應該想辦法，大量廉價供應學習客語个參考書，如字典、詞庫、乃至如何在電腦上書寫、等等。 客家話就係嗯兜客家人个母語，乜係嗯兜客家人介傳傢之寶。透過客語，將來臺灣人可以直接探討漢文文化，不必經過北京話。

啀相信，嗯兜介客家話个字彙 (Vocabulary) 係有辦法增加，大家个客家話應當會大進步，臺灣客家話，甚至，有可能變成臺灣寶藏之一，成為全球客語文化介研究中心。 老貨仔愛較煞猛兜，提供講客家話个環境，解決學習客語个技術問題，後生人正會有興趣，正會有可能學著客家話。 希望客家三行詩，能夠引起後生人个興趣，能夠解決學習客語个一部份介技術問題。 臺灣客家話，有朝一日，有可能成為 Taiwan’s gift to the world ! 大家加油。


Best regards to all,

CS Lou  5/22/2012