朱真一博士客語醫學文化講座(3/26/2016@Kuanshi, Hsinchu)

朱教授，汝好! 

非常感謝汝，昨暗晡在臺紅文化館个演講，大家聽著乜感覺盡有意思，現下人對自己个健康比麻介較重要，尤其對健康个新觀念、新知識，當有興趣，「聽朱教授一席話，多加食幾十年冇問題」，聽眾佇講當值得。演講人同聽眾个互動，交換意見乜盡重要，傳授知識&解惑疑問，同時進行盡有效。 例如，頭擺人講冇食鹽就冇力，誤認為多食鹽正有力，正會健康，愛有專家來說明，正知係錯誤个觀念。

朱教授講，勞動比運動，對身體健康較有效，因為，勞動時有運動又有佇思考，比單純个運動，對身心都有好處，這種理論當服人，了解這新觀念，就會受益當多。

朱教授對臺灣客家人个來源，提供盡多非常難得个資料，有林瑪莉个DNA說、羅肇錦教授个華南畲族影響論，也有受羅香林个中原漢族難民南遷論，再加入臺灣原住民个DNA等，確實資料豐富，非常值得參考。

感謝朱教授个演講，一位名教授肯來到鄉下，為一般老百姓演講坐聊，難得，感心，承蒙朱教授，恁仔細。

羅慶士  敬具